પ્રધાનમંત્રી નરેન્દ્ર મોદીએ જણાવ્યું કે કેન્દ્ર સરકારે તેના શાસન અભિગમ અને કાર્ય સંસ્કૃતિમાં “સશક્તિકરણ માટે શક્તિ” ના સિદ્ધાંતને અપનાવ્યો છે. નવી દિલ્હીમાં બ્લૂમબર્ગ ન્યૂ ઇકોનોમી ફોરમને સંબોધતા, શ્રી મોદીએ જણાવ્યું કે, ભારતની પ્રગતિ સામૂહિક વિકાસ અને વહેંચાયેલ તકો પર આધારિત છે.

તેમણે ભાર મૂક્યો કે શક્તિ ફક્ત પ્રગતિ કરવાની ક્ષમતા નથી, પરંતુ અન્યને સશક્ત બનાવવાની ક્ષમતા પણ છે. શ્રી મોદીએ જણાવ્યું હતું કે ડિજિટલ શક્તિએ ભારત માટે વધુ તકોના દરવાજા ખોલ્યા છે.

તેમણે જણાવ્યું કે 21મી સદીમાં ટેકનોલોજી, ડેટા, જ્ઞાન અને નવીનતા શક્તિના મહત્વપૂર્ણ સ્ત્રોત બની ગયા છે અને સરકારનો સતત પ્રયાસ એ સુનિશ્ચિત કરવાનો છે કે ભારતની ક્ષમતાઓ અન્ય દેશો માટે પણ તકોના નવા દરવાજા ખોલે.