અમેરિકાના વિદેશ મંત્રી માર્કો રુબિયોએ જણાવ્યું છે કે ભારત અને અમેરિકા વચ્ચે મુખ્ય મુદ્દાઓ પર અસાધારણ સ્તરની સર્વસંમતિ છે. મુંબઈમાં “ફ્રીડમ 250” સ્વાગત સમારોહને સંબોધતા, રુબિયોએ જણાવ્યું હતું કે જ્યારે બંને દેશો વચ્ચે કેટલાક મુદ્દાઓ પર મતભેદો હોઈ શકે છે, ત્યારે બંને દેશોના રાષ્ટ્રીય હિતોને લગતા મુખ્ય મુદ્દાઓ પર ભારત અને અમેરિકા વચ્ચે અસાધારણ સમન્વય છે.
તેમણે ભારતને એક શક્તિશાળી, પ્રભાવશાળી અને વિકસિત દેશ અને અમેરિકાનો મજબૂત ભૂ-રાજકીય ભાગીદાર ગણાવ્યો.
અગાઉ, રુબિયોએ જણાવ્યું હતું કે ભારત અને અમેરિકા દ્વિપક્ષીય વેપાર કરાર પર હસ્તાક્ષર કરવાની ખૂબ નજીક છે. તેમણે જણાવ્યું હતું કે કેટલાક મુદ્દાઓને અંતિમ સ્વરૂપ આપવાના બાકી છે.
અમેરિકાના વિદેશ સચિવ ગઈકાલે બપોરે મુંબઈ પહોંચ્યા હતા. આજે તેઓ ગુજરાતના જામનગરમાં રિલાયન્સ ઇન્ડસ્ટ્રીઝની પેટ્રોકેમિકલ રિફાઇનરીની મુલાકાતે પહોંચ્યા છે.
