ઝારખંડ ઉચ્ચ ન્યાયાલયે આજે રાજ્ય સરકારના એ નિર્ણય પર આગામી આદેશ સુધી રોક લગાવી દીધી છે જેના હેઠળ 11મી થી 13મી JPSC સિવિલ સેવા પરીક્ષા અને ફૂડ સેફ્ટી ઓફિસર ભરતી દ્વારા કરવામાં આવેલી નિમણૂકોને રદ કરવામાં આવી હતી. ન્યાયમૂર્તિ દીપક રોશને સરકારના એ જાહેરનામાને પડકારતી ત્રણ અલગ-અલગ અરજીઓ પર સુનાવણી કરતી વખતે આ આદેશ આપ્યો હતો.
અદાલતે નિર્દેશ આપ્યો કે પસંદગી પામેલા ઉમેદવારોને બહાલ કરવામાં આવે. યોગ્ય પ્રક્રિયા અને કુદરતી ન્યાયના સિદ્ધાંતોનું પાલન કર્યા વિના તેમને હટાવી શકાય નહીં. અદાલતે રાજ્ય સરકાર અને ઝારખંડ જાહેર સેવા આયોગ પાસે જવાબ માંગ્યો છે અને આગામી સુનાવણી માટે 15 સપ્ટેમ્બરે રાખી છે.
