ભારતે પાકિસ્તાનને ચેતવણી આપતા કહ્યું કે તે પરમાણુ ધમકીઓથી ડરશે નહીં અને કોઈપણ આતંકવાદી હુમલાનો યોગ્ય જવાબ આપશે. સંયુક્ત રાષ્ટ્રમાં ભારતના કાયમી મિશનના વરિષ્ઠ સલાહકાર અનમોલ શેર બેદીએ ગઈકાલે ન્યુ યોર્કમાં જીનીવા નિઃશસ્ત્રીકરણ પરિષદમાં યુએન જનરલ એસેમ્બલીની પ્રથમ સમિતિની બેઠકમાં સંબોધન દરમિયાન આમ જણાવ્યું હતું. તેમણે કહ્યું કે પરમાણુ શસ્ત્રોનો ઉપયોગ સામાન્ય સરકારી નીતિના સાધન તરીકે થવો જોઈએ નહીં. શ્રી બેદીએ ચેતવણી આપી કે આતંકવાદી પ્રવૃત્તિઓના સંરક્ષણ માટે પરમાણુ ધમકીઓનો ઉપયોગ તણાવ વધવાનું કારણ  બની શકે છે.