રાજ્યની આંગણવાડીઓમાં ગરમ રાંધેલા ભોજન માટે આંગણવાડી કાર્યકરોને સ્થાનિક ખરીદી માટે મળતા નાણાકીય દરમાં 67 ટકાનો વધારો કરાયો. આ દર અત્યાર સુધી પ્રતિલાભાર્થી પ્રતિદિવસ 5.10 રૂપિયાનો હતો. તે હવે વધારીને 8.50 રૂપિયા કરાયો છે. આંગણવાડીઓમાં નાના ભૂલકાંઓને મળતા ગરમ અને પૌષ્ટિક ભોજનની વ્યવસ્થાને મજબૂત કરવા સરકાર દ્વારા આ નિર્ણય કરાયો હોવાનું સત્તાવાર યાદીમાં જણાવાયું.
આ નિર્ણયથી રાજ્યની 53 હજાર 65 આંગણવાડીઓમાં ભણતા ત્રણથી છ વર્ષના અંદાજે 16 લાખ 17 હજારથી વધુ બાળકોને વધુ પૌષ્ટિક આહાર મળશે. ગરમ રાંધેલા ભોજનની સાપ્તાહિક યાદીમાં મગ કઠોળનો સમાવેશ કરવાનો સ્પષ્ટ નિર્ણય પણ લેવાયો છે.
