રાષ્ટ્રીય શિક્ષણ નીતિ 2020ના અમલીકરણના ભાગરૂપે ગાંધીનગર ખાતેથી ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ખાતે શિક્ષણ મંત્રી પ્રદ્યુમન વાજાના હસ્તે ‘PARAKH CELL’ નું ઉદ્ઘાટન કરવામાં આવ્યું હતું. આ સાથે જ  ધોરણ-10 અને ધોરણ-12ની જાહેર પરીક્ષાઓની માર્કશીટ ‘ડીજીલોકર‘ પ્લેટફોર્મ પર ઉપલબ્ધ કરાવવાની ડિજિટલ સેવાનો આરંભ થયો હતો. આ નવીન સુવિધાથી વિદ્યાર્થીઓ માટે માર્કશીટ ડાઉનલોડ કરવી તથા તેની ચકાસણી – વેરિફિકેશન કરાવવાની કામગીરી અત્યંત સરળ અને ઝડપી બનશે.