કેન્દ્ર સરકારે કેન્સર વિરોધી દવાઓ પરના નફાને મહત્તમ છૂટક કિંમતના 30 ટકા સુધી મર્યાદિત કરવાનો નિર્ણય લીધો છે. કેન્દ્ર સરકારે ગઇકાલે સુપ્રીમ કોર્ટને આ નિર્ણયની જાણ કરી હતી. કોર્ટે, ફાર્માસ્યુટિકલ ક્ષેત્રમાં દવાના ભાવોની વ્યાપક સમીક્ષા કરવાનો નિર્દેશ આપ્યો હતો.
કેન્દ્ર સરકાર તરફથી હાજર રહેલા સોલિસિટરે જણાવ્યું હતું કે સરકાર કેન્સર દવાઓની યાદી જાહેર કરશે જેના પર નફાની મર્યાદા લાગુ થશે.
કેન્દ્ર સરકારના બીજા-વરિષ્ઠ કાયદા અધિકારીએ જણાવ્યું હતું કે બજારની સ્થિતિ અને જાહેર આરોગ્ય જરૂરિયાતોને આધારે સમયાંતરે આ યાદીમાં વધારાની કેન્સર દવાઓ ઉમેરી શકાય છે, જ્યારે ઓછી કિંમતની દવાઓને યાદીમાંથી બાકાત રાખી શકાય છે.
કોર્ટે રિટેલરોને પૂરી પાડવામાં આવતી દવાઓની કિંમત અને પ્રિન્ટેડ MRP વચ્ચેના નોંધપાત્ર તફાવત પર પ્રશ્ન ઉઠાવ્યો, દર્દીઓ પર આનાથી થતા નાણાકીય બોજ અંગે ચિંતા વ્યક્ત કરી અને અસરકારક નિયમનકારી માળખાની જરૂરિયાત પર ભાર મૂક્યો.
આ કેસની આગામી સુનાવણી 27 ઓક્ટોબરે થશે.
