ભારતીય સિનેમામાં તેમના યોગદાન અને પેઢીઓને પ્રેરણા આપતી શાનદાર સિનેમા યાત્રા માટે પીઢ અભિનેતા અનંત નાગને પ્રતિષ્ઠિત દાદાસાહેબ ફાળકે પુરસ્કાર 2024 એનાયત કરાશે. માહિતી અને પ્રસારણ મંત્રાલયે આજે આ જાહેરાત કરી. આ પુરસ્કાર આ મહિનાની 22 તારીખે ગુજરાતના કેવડિયામાં 72મા રાષ્ટ્રીય ફિલ્મ પુરસ્કાર સમારોહમાં રજૂ કરવામાં આવશે.

પ્રધાનમંત્રી નરેન્દ્ર મોદીએ દિગ્ગજ અભિનેતા અનંત નાગને દાદાસાહેબ ફાળકે પુરસ્કાર બદલ અભિનંદન પાઠવ્યા છે. સોશિયલ મીડિયા સંદેશમાં પ્રધાનમંત્રીએ કહ્યું કે શ્રી નાગના સરળ અભિનય, નોંધપાત્ર બહુમુખી પ્રતિભાએ ઘણા દાયકાઓથી ભારતીય સિનેમા પર ખૂબ જ મજબૂત છાપ છોડી છે.