July 20, 2024 8:26 PM
43
পদ্মশ্ৰী সন্মানেৰে সন্মানিত কমলা পূজাৰীৰ মৃত্যুত প্রধানমন্ত্ৰী মোদীৰ গভীৰ শোক প্ৰকাশ
প্রধানমন্ত্ৰী নৰেন্দ্ৰ মোদীয়ে পদ্মশ্ৰী সন্মানেৰে সন্মানিত কমলা পূজাৰীৰ মৃত্যুত গভীৰ শোক প্ৰকাশ কৰিছে। সামাজিক মাধ্যমৰ এটা পোষ্টত শ্ৰী মোদীয়ে কয় যে, কমলা পূজাৰীয়ে কৃষি খণ্ডক বিশেষকৈ জৈৱিক কৃষি পদ্ধতিক উদগনি জগোৱাৰ লগতে থলুৱা বীজসমূহ সংৰক্ষণৰ ক্ষেত্ৰত বিশেষ অৱদান আগবঢ়াই থৈ গৈছে। শ্রী মোদীয়ে কয় যে, স্থিৰতা সমৃদ্ধ কৰণৰ লগতে জৈৱ বৈচিত্ৰতা সংৰক্ষণৰ ক্ষেত্ৰত কমলা পূজাৰীৰ কৰ্মৰাজী সদায় স্মৰণীয় হৈ ৰ'ব। তেওঁ কয় যে, কমলা পূজাৰী জনজাতি সম্প্ৰদায়ৰ সৱলীকৰণৰো এগৰাকী হোতা আছিল।
