আকাশবাণী গুৱাহাটী কেন্দ্ৰৰ আঞ্চলিক বাতৰি বিভাগে পি আই বি গুৱাহাটীৰ সহযোগত আয়োজন কৰা অলিম্পিক কুইজৰ বিজয়ীসকলক আজি পুৰস্কৃত কৰা হয়। পুৰস্কাৰ বিতৰণ অনুষ্ঠানত পি আই বিৰ উত্তৰ- পূৰ্বাঞ্চলৰ সঞ্চালক প্রধান কে সতীশ নম্বুদিৰীপদ, অতিৰিক্ত সঞ্চালক প্রধান জেন নেমচু, আকাশবাণী গুৱাহাটীৰ অভিযান্ত্রিক শাখাৰ উপ-সঞ্চালক প্রধান আৰ চি বড়ো, আকাশবাণী গুৱাহাটীৰ অনুষ্ঠান কাৰ্যবাহী ভাস্কৰ গগৈ, বার্তা সম্পাদক মানস প্রতীম শর্মা, সংবাদাদাতা আমিনুল হক জোদ্দাৰ প্ৰমুখ্যে ভালেসংখ্যক বিশিষ্ট ব্যক্তিসকল উপস্থিত থাকে। এই প্রতিযোগিতাত কামৰূপৰ বিহদিয়াৰ সঞ্জয় কৃষ্ণ, গুৱাহাটীৰ জটিয়াৰ অৰূপ কলিতা, কামৰূপৰ ৰঙিয়াৰ ছৈয়দ নজৰুল ইছলাম, গুৱাহাটীৰ ফাঁচী বজাৰৰ উৎপল দাস আৰু নলবাৰীৰ ধমধমাৰ ছৈয়দ নবী উল্লাহে পুৰষ্কাৰ লাভ কৰে।