কৃষি আৰু কৃষক কল্যাণ মন্ত্ৰীলয়ৰ অধীনৰ ভাৰতীয় নাৰিকল উন্নয়ন পৰিষদ, অসম কৃষি বিশ্ববিদ্যালয় আৰু কাঁহিকুছিৰ নাৰিকল গৱেষণা কেন্দ্ৰৰ উদ্যোগত তথা কৃষি বিজ্ঞান কেন্দ্ৰ দৰঙৰ সহযোগত আৰু মঙলদৈ যুৱ সংঘত বিশ্ব নাৰিকল দিৱস উদযাপন কৰা হয়।

অনিশ্চয়তাৰ সময়ত নাৰিকল–খাদ্য, শক্তি আৰু জীৱিকা সংৰক্ষণ শীৰ্ষক বিষয়বস্তুৰে উদযাপন কৰা এই কৰ্যসূচীত নাৰিকল উন্নয়ন পৰিষদৰ গুৱাহাটীৰ ক্ষেত্ৰীয় কাৰ্যালয়ৰ সঞ্চালককে ধৰি ভালেকেইগৰাকী কৃষি বিজ্ঞানী উপস্থিত থাকে।

সভাত নাৰিকলৰ চাহিদা, ইয়াৰ উপকাৰিতা আৰু বিজ্ঞানসন্মতভাৱে নাৰিকলৰ খেতিৰ বিভিন্ন দিশ সন্দৰ্ভত আলোচনা কৰা হয়। কৃষি বিজ্ঞানীসকলে নাৰিকল উৎপাদনেৰে লাভবান হ’বলৈ উন্নত পদ্ধতিৰে এই খেতি কৰাৰ বাবে কৃষক আৰু কৃষক উৎপাদক প্ৰতিষ্ঠানৰ প্ৰতিনিধিসকলক আহ্বান জনায়।