আমেৰিকাৰ ৰাষ্ট্ৰপতি ড’নাল্ড ট্রাম্পে কালি ভাৰত আৰু ইউৰোপীয় সংঘৰ ২৭খন সদস্য-ৰাষ্ট্ৰৰ ক্ষেত্ৰত প্রযোজ্য হোৱাকৈ আৰোপ কৰা শুল্ক বিষয়ক এখন কাৰ্যকৰী নিৰ্দেশনাত স্বাক্ষৰ কৰিছে। ট্রাম্পৰ এই নিৰ্দেশনাত পাৰস্পৰিক শুল্কৰ হাৰ উন্নীতকৰণ হিচাপে নামাকৰণ কৰা হৈছে। অহা ৭ আগষ্টৰ পৰা ৪১ শতাংশ হাৰ বৃদ্ধিৰে এই ব্যৱস্থা কাৰ্যকৰী হ’ব। এই শুল্কনীতি হৈছে অনৈতিক বাণিজ্য ঘাটি আৰু ৰাষ্ট্ৰীয় নিৰাপত্তাৰ ক্ষেত্ৰত প্ৰত্যাহ্বান বুলি কৰা ডনাল্ড ট্রাম্পৰ ঘোষণাৰ অংশবিশেষ। চিৰিয়াৰ ক্ষেত্ৰত ৪১ শতাংশ, লাওচ আৰু ম্যানমাৰৰ ক্ষেত্ৰত ৪০ শতাংশ, ছাৰ্বিয়া, কানাডা আৰু ইৰাকৰ ক্ষেত্ৰত ৩৫ শতাংশ, ছুইজাৰলেণ্ডৰ ক্ষেত্ৰত ৩৯ শতাংশ শুল্ক আৰোপ কৰা হৈছে। ভাৰতৰ ক্ষেত্ৰত ২৫ শতাংশ আৰু পাকিস্তানৰ ক্ষেত্ৰত ১৯ শতাংশ শুল্ক আৰোপ কৰা হৈছে। আজিৰ পৰাই এই শুল্ক নীতি কার্যকৰী হোৱা কথা আছিল যদিও অহা ৭ আগষ্টৰ পৰাহে এই ব্যৱস্থা কাৰ্যকৰী হ’ব বুলি জানিব পৰা গৈছে।