অষ্টম ভাৰত জল সপ্তাহ, ২০২৪ কাইলৈৰে পৰা নতুন দিল্লীত অনুষ্ঠিত হ’ব। ৰাষ্ট্ৰপতি শ্ৰীমতী দ্রৌপদী মুৰ্মুৱে ভাৰত মণ্ডপমত এই কাৰ্যসূচী উদ্বোধন কৰিব। চাৰিদিনীয়া এই কাৰ্যসূচীত ২০০ গৰাকী বিদেশী প্রতিনিধিসহ ৪০ খন দেশৰ প্ৰায় ৪ হাজাৰ প্ৰতিনিধিয়ে অংশগ্রহণ কৰিব। প্ৰদৰ্শনীৰ সময়ছোৱাত ১০০ কৈও অধিক প্ৰদৰ্শক আৰু ষ্টার্টআপে জল ক্ষেত্ৰত নিজ নিজ ভাৱাদৰ্শ প্ৰদৰ্শন কৰিব। নতুন দিল্লীত অনুষ্ঠিত সংবাদমেলত জলশক্তি মন্ত্ৰ্যালয়ৰ সচিব দেৱশ্ৰী মুখার্জীয়ে কয় যে উপযুক্ত জল ব্যৱস্থাপনাই দেশৰ আৰ্থিক বৃদ্ধি ত্বৰান্বিত কৰিব। তেওঁ কয় যে এই অনুষ্ঠানে বিশ্বৰ বিভিন্ন প্ৰান্তৰ জলসম্পদৰ ক্ষেত্ৰত গোলকীয় পৰ্যায়ৰ নীতি নির্ধাৰণকাৰী গৱেষক, বিশেষজ্ঞ, উদ্ভাৱক আৰু অংশীদাৰসকলৰ পৰা তেওঁলোকৰ ভাৱধাৰা আৰু মতামত আহৰণৰ বাবে ই এক গোলকীয় মঞ্চ হিচাপে কাম কৰিব। শ্রীমতী মুখার্জীয়ে এই অনুষ্ঠানৰ বিষয়বস্তু – ‘সৰ্বাংগীন জল উন্নয়ন আৰু ব্যৱস্থাপনাৰ হকে অংশীদাৰিত্ব আৰু সহযোগিতা’ বুলি জানিবলৈ দিয়ে।