মীন, পশুপালন আৰু দুগ্ধ মন্ত্ৰ্যালয়ৰ অধীনৰ মীন বিভাগে জলজ কৃষি পদ্ধতিৰ বিকাশৰ লগতে সমগ্ৰ দেশতে সংহত মীন পালন ব্যৱস্থাৰ প্ৰসাৰৰ বাবে ১০০ দিনীয়া পৰিকল্পনা যুগুত কৰিছে। কালি মন্ত্ৰ্যালয়ে জাৰি কৰা এখন বিবৃতিত এই বিষয়ে প্রকাশ কৰে। এই অনুসৰি প্ৰধানমন্ত্রী মৎস্য সম্পদ যোজনাৰ অধীনত মীন খণ্ডক শক্তিশালী কৰাৰ লগতে বহনক্ষম উন্নয়নক ত্বৰান্বিত কৰাৰ বাবে কৌশল যুগুতাই উলিওৱা হৈছে। এই যোজনাৰ চতুর্থ বর্ষপূৰ্তিৰ সময়ত উত্তৰ-পূৰ্বাঞ্চলৰ অৰুণাচল প্রদেশ, নাগালেণ্ড, মণিপুৰ, মিজোৰামৰ উপৰি দেশৰ কেবাখনো ৰাজ্যত জলজ কৃষি আৰু সংহত মীন পালনক উৎসাহিত কৰাৰ বাবে ৪২ কোটি ৪৩ লাখ টকাৰ অনুমোদন জনোৱা হৈছে। ইয়াৰ ভিতৰত ৫ কোটি ৫০ লাখ টকা উত্তৰ-পূবৰ এই চাৰিখন ৰাজ্যৰ বাবে ব্যয় কৰা হ’ব বুলি মন্ত্রালয়ে প্রকাশ কৰে।