তামিলনাডুৰ ভিৰধুনগৰৰ চাট্টুৰৰ এটা আতচবাজী কাৰখানাত হোৱা বিস্ফোৰণত ৪জন ব্যক্তি নিহত হৈছে। কাৰখানাটোত ৫০জন শ্রমিক আতচবাজী প্ৰস্তুতৰ কামত নিয়োজিত হৈ আছিল। জানিব পৰা মতে আতচবাজী প্ৰস্তুতৰ বাবে বিভিন্ন ৰাসায়নিক দ্রব্য সংমিশ্ৰণৰ সময়তে এই বিস্ফোৰণটো সংঘটিত হয়। কাৰখানাটোৰ মুঠ কোঠাৰ ৩টা কোঠা বিস্ফোৰণৰ ফলত সম্পূৰ্ণৰূপে ধ্বংসস্তূপত পৰিণত হয়। ধংসস্তূপৰ মাজত আৰু শ্ৰমিক আবদ্ধ হৈ থকাৰ কথা এতিয়ালৈকে জানিব পৰা হোৱা নাই। কাৰখানাটোৰ অগ্নি নির্বাপণৰ বাবে চেষ্টা চলি আছে। সম্পূর্ণৰূপে অগ্নি নির্বাপণ হোৱাৰ পিছত পুনৰ উদ্ধাৰ কাৰ্য আৰম্ভ হ’ব বুলি প্ৰশাসনে জানিবলৈ দিছে।