ৰাষ্ট্ৰীয় প্ৰযুক্তিবিদ্যা দিৱস উপলক্ষে আজি প্ৰতিৰক্ষা মন্ত্ৰী ৰাজনাথ সিঙে কৈছে যে নতুন প্রযুক্তিৰ বিকাশেৰে দেশবাসীৰ জীৱন যাপন প্ৰণালীৰ যোগাত্মক পৰিবৰ্তন সাধন কৰা বিজ্ঞানী, অভিযন্তা আৰু প্ৰযুক্তিবিদসকলক দেশে অভিবাদন জনাইছে। সামাজিক মাধ্যমৰ এটা বার্তাত শ্রীসিঙে কয় যে দেশে এই মুহুৰ্তত ১৯৯৮ চনৰ পোখৰানৰ সফল পৰীক্ষণৰ লগত জড়িত বিজ্ঞানীসকলক স্মৰণ কৰিছে। ভাৰতৰ ইতিহাসত সেই ঘটনা অত্যন্ত স্মৰণীয় বুলিও তেওঁ উল্লেখ কৰে।