আংগাৰা এয়াৰ লাইনচৰ দ্বাৰা পৰিচালিত ৰাছিয়ান A N-24 বিমানখন আজি দুৰ্ঘটনাত পতিত হোৱাৰ ফলত পাঁচটি শিশু আৰু ৬গৰাকী বিমানকর্মীসহ ৪৯ জন লোক নিহত হয়। ব্লাগভেচচেনস্ক’ৰ পৰা ৰাছিয়া-চীন সীমান্তৰ সমীপৰ টিণ্ডালৈ গৈ থকা বিমানখন অৱতৰণৰ কিছু সময় পূর্বে বিমান পৰিবহন নিয়ন্ত্ৰকৰ সৈতে যোগাযোগ হেৰুৱাই আৰু পাহাৰীয়া আমূৰ অঞ্চলত দুৰ্ঘটনাত পতিত হয়। হেলিকাপ্টাৰ উদ্ধাৰকাৰী দলে পাছত দুর্ঘটনা স্থলীৰ পৰা ১০ মাইল দূৰৈত বিমানখনৰ ধ্বংসাৱশেষৰ সম্ভেদ লাভ কৰে। উল্লেখযোগ্য যে ঠেক ভূ-খণ্ড আৰু ঘন অৰণ্যৰ বাবে উদ্ধাৰ কাৰ্যত যথেষ্ট অসুবিধাৰ সৃষ্টি হৈছে।