মিজোৰামৰ গড়কাপ্তানি মন্ত্রী ভানলাহলনাহে কালি আন্তঃৰাজ্যিক বাছ সেৱাৰ বাবে চালতোলাঙৰ পৰিবহণ কাৰ্যালয় চৌহদৰ পৰা আইজলৰ ছাইৰঙক মণিপুৰ লামকাৰ সৈতে সংযোগ কৰা ২১খন আসনযুক্ত দুখন বাছ মুকলি কৰে। এই সেৱা কাইলৈৰ পৰা আৰম্ভ হ’ব। এই উপলক্ষে আয়োজিত এখন সভাত ভাষণ দি শ্রীভানলাহলনাহই কয়, যে এখন শক্তিশালী ৰাষ্ট্ৰ গঢ়াৰ বাবে পাহাৰীয়া অঞ্চলত বসবাস কৰা জো জনজাতি সম্প্ৰদায়ৰ মাজত একতা, অপৰিহাৰ্য্য। তেওঁ মিজোৰামক জো জনগোষ্ঠীৰ মাতৃভূমি বুলি অভিহিত কৰে। মণিপুৰৰ সংঘাতৰ মাজতে মণিপুৰ আৰু মিজোৰামৰ মাজত ভ্ৰমণ কৰা জো সম্প্রদায়ে সন্মুখীন হোৱা অসুবিধাৰ প্ৰতি উদ্বেগ প্রকাশ কৰি তেওঁ কয়, যে এই নতুন সেৱাই তেওঁলোকৰ যাত্ৰা সুচল কৰি তুলিব।