বি টি চিৰ ক্ৰীড়া আৰু যুৱ কল্যাণ বিভাগৰ সঞ্চালকৰ কাৰ্যালয়ৰ উদ্যোগত আজি কোকৰাঝাৰত বিভাগটোৰ কৰ্মচাৰীসকলৰ বাবে এটা প্ৰশিক্ষণ কাৰ্যসূচী অনুষ্ঠিত হয়। বি টি চিৰ ক্ৰীড়া আৰু যুৱকল্যাণ বিভাগৰ কাৰ্যবাহী সদস্য ডাউবৈচা বড়োৱে এই কাৰ্যসূচীৰ শুভাৰম্ভ কৰে। বিভাগটোৰ বিষয়া-কৰ্মচাৰীসকলৰ সংশ্লিষ্ট ক্ষেত্ৰত জ্ঞান আৰু দক্ষতা বৃদ্ধি উপৰি তেওঁলোকক কাম-কাজ ক্ষিপ্ৰতাৰে কৰাৰ কৌশল আয়ত্ব কৰোৱাৰ বাবে এই অনুষ্ঠানৰ আয়োজন কৰা হয়।