ভাৰতীয় ক্রিকেট নিয়ন্ত্ৰণ পৰিষদ চমুকৈ বি চি চি আইৰ উদ্যোগত আৰু অসম ক্রিকেট সন্থাৰ সহযোগত আজিৰ পৰা বৰপেটা জিলা ক্ৰীড়া সন্থাৰ খেলপথাৰত অসম আৰু কেৰালাৰ মাজত ১৯ বছৰ অনূর্ধ কোচবিহাৰ ট্ৰফীৰ খেল অনুষ্ঠিত হৈছে। চাৰিদিনীয়াকৈ অনুষ্ঠিত এই প্রতিযোগিতাত আজি অসম দলে ছৈত জয়লাভ কৰি প্রথমে বেটিং কৰাৰ সিদ্ধান্ত লয়। আয়ুষ্মান মালাকাৰে নেতৃত্ব দিয়া অসম দলটোৱে প্ৰথম ইনিংছত আটাইকেইটা উইকেট হেৰুৱাই ২৩৩ ৰান সংগ্ৰহ কৰিবলৈ সক্ষম হয়। আনহাতে দিনটোৰ শেষলৈ কেৰালাই প্রথম ইনিংছত ৩টা উইকেটৰ বিনিময়ত ৩৩ ৰান সংগ্ৰহ কৰে।