মুম্বাই আৰক্ষীয়ে বলীউদৰ অভিনেতা টাইগাৰ শ্ৰফৰ বাহনলৈ লক্ষ্য কৰি গুলীচালনাৰ ঘটনাৰ সৈতে জড়িত ৩ জন লোকক গ্ৰেপ্তাৰ কৰিছে।
ইয়াৰ পূৰ্বে আজি আৰক্ষীয়ে অভিনেতাগৰাকীৰ বাহনলৈ গুলীচালনা কৰা তিনিজন লোকৰ বিৰুদ্ধে হত্যাৰ প্ৰয়াসৰ গোচৰ ৰুজু কৰিছিল। আৰক্ষী বিষয়াই জনোৱা মতে প্ৰাৰম্ভিক অৱস্থাত এই সংক্ৰান্তত জুহু আৰক্ষীয়ে গোচৰ পঞ্জীয়ন কৰিছিল যদিও গম্ভীৰ অপৰাধৰ প্ৰতি লক্ষ্য গোচৰটো মুম্বাই অপৰাধ শাখালৈ হস্তান্তৰ কৰা হয়।
উল্লেখযোগ্য যে কালি সন্ধিয়া মুম্বাইৰ জুহু অঞ্চলত অভিনেতাগৰাকীৰ গাড়ীলৈ অচিনাক্ত দুৰ্বৃত্তই গুলীচালনা কৰে। এই ঘটনাত অভিনেতাগৰাকী সামান্য আঘাতপ্ৰাপ্ত হোৱাৰ বিপৰীতে তেওঁৰ চালক আৰু আন এজন লোক আহত হয়।
