প্রধানমন্ত্ৰী সুৰক্ষিত মাতৃত্ব অভিযানৰ ১০ বছৰৰ সফল কাৰ্যকৰীকৰণৰ সৈতে সংগতি ৰাখি কাইলৈৰ পৰা কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ে এলানি অনুষ্ঠানৰ আয়োজন কৰিছে।
উল্লেখযোগ্য যে ২০১৬ চনৰ ৯ জুন তাৰিখে আৰম্ভ কৰা এই অভিযানৰ জৰিয়তে দেশৰ গৰ্ভৱতী মহিলাসকলক নিশ্চিত, বিস্তৃত আৰু সুসংহত প্ৰসৱপূৰ্ব বিনামুলীয়া সেৱা প্ৰদান কৰি অহা হৈছে।
কাৰ্যসূচীৰ অংশ হিচাপে বিভিন্ন ধৰণৰ সজাগতা সভা তথা জনসংযোগমূলক কাৰ্যসূচীৰ আয়োজন কৰা হ’ব। এই কাৰ্যসূচী সমূহৰ জৰিয়তে দেশৰ ৰাজ্য আৰু কেন্দ্ৰীয় শাসিত অঞ্চলসমূহৰ গৰ্ভৱতী মহিলা আৰু তেওঁলোকৰ পৰিয়ালসমূহক প্রধানমন্ত্ৰী সুৰক্ষিত মাতৃত্ব অভিযানৰ সুবিধাসমূহৰ বিষয়ে অৱগত কৰোৱা হ’ব।
এই উপলক্ষে কেন্দ্রীয় স্বাস্থ্য মন্ত্রী জে পি নাড্ডাই ৭৫ টকাৰ এটা বিশেষ স্মাৰক মুদ্ৰা আৰু ৫ টকা মূল্যৰ ডাক টিকট মুকলি কৰিব।
