উত্তৰ প্ৰদেশ চৰকাৰে নয়দা আন্তঃৰাষ্ট্ৰীয় বিমান বন্দৰক নৰেন্দ্ৰ মোদী আন্তঃৰাষ্ট্ৰীয় বিমান বন্দৰ হিচাপে নামকৰণ কৰাৰ সিদ্ধান্ত লৈছে। মুখ্যমন্ত্রী যোগী আদিত্য নাথে অধ্যক্ষতা কৰা ৰাজ্যিক মন্ত্ৰীসভাৰ বৈঠকত এই প্ৰস্তাৱত অনুমোদন জনোৱা হয়৷
মন্ত্ৰীসভাৰ বৈঠকৰ পাছতে সাংবাদিকৰ সৈতে হোৱা কথা-বতৰাত মুখ্যমন্ত্ৰী যোগী আদিত্য নাথে প্রধানমন্ত্রী নৰেন্দ্ৰ মোদীৰ নামত বিমান বন্দৰৰ নামকৰণ কৰা সন্দৰ্ভত মন্ত্রীসভাই গ্ৰহণ কৰা সিদ্ধান্তত কৃতজ্ঞতা প্রকাশ কৰি কয়, যে এয়া হৈছে প্ৰধানমন্ত্ৰী নৰেন্দ্ৰ মোদীৰ প্ৰতি উত্তৰ প্ৰদেশৰ এটা ডাঙৰ উপহাৰ।
মুখ্যমন্ত্ৰীগৰাকীয়ে আশা প্ৰকাশ কৰি কয়, যে এই বিমান বন্দৰ ৰাজ্যখনৰ এটা বৃহৎ বিমান বন্দৰৰূপে পৰিগণিত হোৱাৰ উপৰি বিমান পৰিবহণৰ কেন্দ্ৰ হৈ পৰিব। উল্লেখযোগ্য যে প্রধানমন্ত্রী শ্রী মোদীয়ে চলিত বৰ্ষৰ ২৮ মাৰ্চত এই বিমান বন্দৰৰ উদ্বোধন কৰিছিল।
