জল শক্তি মন্ত্রালয়ে জনাইছে যে ছত্তিশগড়ৰ বালোড জিলাই যোৱা বছৰত বৰষুণৰ পানী সংগ্ৰহৰ ক্ষমতা বৃদ্ধি কৰাৰ উদ্দেশ্যে ২লাখ ৮৫হাজাৰ জল সংৰক্ষণৰ প্ৰকল্প নিৰ্মাণ কৰিছে।
মন্ত্ৰালয়ে কয়, যে প্রধানমন্ত্ৰী নৰেন্দ্ৰ মোদীয়ে মন কী বাতৰ ১৩৫ সংখ্যক খণ্ডত বৰষুণৰ পানী ধৰি ৰাখিবলৈ জনোৱা আহ্বানৰ প্ৰতি সঁহাৰি জনাই বালোড জিলাই দ্বিতীয় পৰ্যায়ৰ জল সঞ্চয় জন ভাগিদাৰি অভিযানৰ অধীনত পানী সংৰক্ষণৰ প্ৰচেষ্টা অব্যাহত ৰাখিছে।
গাওঁ পঞ্চায়ত, স্থানীয় সংস্থা আৰু জিলা প্ৰশাসনৰ সহযোগিতাৰে জিলাখনত বৰষুণৰ পানী সংগ্ৰহৰ বিভিন্ন ব্যৱস্থা ৰূপায়ন কৰা হৈছে। এই পদক্ষেপসমূহে বর্ষাকালত ইতিবাচক ফলাফল দেখুৱাবলৈ আৰম্ভ কৰিছে বুলিও আমাৰ সংবাদদাতাই জানিবলৈ দিছে।
প্ৰথম পৰ্যায়ৰ জল সঞ্চয় জন ভাগিদাৰি অভিযানৰ অধীনত বালোড জিলাই ১ লাখতকৈ অধিক বৰষুণৰ পানী সংৰক্ষণ কৰিব পৰা বিভিন্ন প্রকল্প নির্মাণ কৰিছিল। জিলাখনে দেশৰ ভিতৰত তৃতীয় স্থান আৰু পূব মণ্ডলত প্ৰথম স্থান লাভ কৰিছিল।
