ছত্তিচগড়ৰ চুকমা জিলাত আজি সেনা বাহিনীৰ সৈতে হোৱা সংঘৰ্ষত ৩ জন মাওবাদী নিহত হয়। আৰক্ষী সূত্ৰই প্ৰকাশ কৰা মতে জিলা সংৰক্ষিত বাহিনীৰ এটা দলে যোৱা নিশা চুকমা জিলাৰ কিষ্টাৰাম এলেকাত মাওবাদীৰ উপস্থিতিৰ তথ্য লাভ কৰাৰ পাছত অভিযান চলায়। আজি পুৱাৰ ভাগত চিংগানামাৰাগো অঞ্চলত সেনা আৰু মাওবাদীৰ মাজত গুলীয়াগুলী চলে। বৰ্তমানলৈকে সেই স্থানৰ পৰা ৩ জন মাওবাদীৰ মৃতদেহ উদ্ধাৰ কৰা হৈছে। অঞ্চলটোত আৰক্ষী আৰু সুৰক্ষা বাহিনীৰ অতিৰিক্ত দল নিয়োগ কৰা হৈছে আৰু সমগ্ৰ অঞ্চলটোত ব্যাপক অভিযান অব্যাহত আছে।