কৰ্ণাটকৰ হাৱেৰি জিলাৰ গুন্দনাহাল্লীত এখন যাত্রীবাহী ট্রেভেলৰে ৰাস্তাৰ কাষত ৰখাই থোৱা এখন ট্রাকত খুন্দা মৰাৰ ফলত ১৩গৰাকী যাত্ৰীৰ মৃত্যু হোৱাৰ লগতে আন চাৰিগৰাকী আহত হয়। নিহতসকলৰ ভিতৰত দুটি শিশুকে ধৰি ৮ গৰাকী মহিলা আছে। পোণে-বেংগালুৰু ৰাষ্ট্ৰীয় ঘাই পথত আজি নিচেই পুৱা এই দুৰ্ঘটনা সংঘটিত হয়। নিহত লোকসকলক শিৱামগা জিলাৰ বুলি জানিব পৰা গৈছে। যাত্ৰীসকলে এটা মন্দিৰ দৰ্শন কৰি ঘূৰি অহাৰ সময়ত এই দুর্ঘটনা সংঘটিত হয়। আহত ৪গৰাকী লোকক হাৱেৰি জিলা চিকিৎসালয়ত ভৰ্তি কৰোৱা হৈছে।