প্রধানমন্ত্ৰী নৰেন্দ্ৰ মোদীয়ে দেশৰ আগশাৰীৰ সমবায় সংস্থা আমূল আৰু IFFCOক বিশ্বৰ সমবায় সংস্থাৰ তালিকাত প্ৰথম আৰু দ্বিতীয় স্থান লাভ কৰাৰ বাবে শুভেচ্ছা জ্ঞাপন কৰিছে। সামাজিক মাধ্যমত দিয়া এটা বাৰ্তাত শ্রীমোদীয়ে কয়, যে দেশৰ সমবায় খণ্ড যথেষ্ট গতিশীল আৰু এই খণ্ডই মানুহৰ জীৱন ধাৰণাৰ মান সলনি কৰাত গুৰুত্বপূৰ্ণ ভূমিকা পালন কৰি আহিছে। অনাগত সময়ত সমবায় খণ্ডটোক আৰু অধিক উৎসাহিত কৰাৰ বাবে চৰকাৰে বহু পদক্ষেপ গ্ৰহণ কৰিছে বুলি তেওঁ লগতে জানিবলৈ দিয়ে।