উজনি অসমৰ ৪খন জিলাত কাইলৈৰ পৰা বানত হোৱা ক্ষয়-ক্ষতিৰ জৰীপ

শেহতীয়া বানত সৰ্বাধিক ক্ষতিগ্রস্ত উজনি অসমৰ ৪ খন জিলাত কাইলৈৰ পৰা ক্ষয়-ক্ষতিৰ জৰীপ কৰা হ'ব। প্ৰথম পৰ্যায়ৰ জৰীপ অহা ৩০ আগষ্টলৈ চলিব। এই জৰীপ প্ৰক্ৰিয়াক অধিক সু-সংগঠিত আৰু নিখুঁট কৰাৰ বাবে ইতিমধ্যে চাৰিওখন জিলাৰ আয়ুক্ত, সমজিলা আয়ুক্তৰ লগতে চক্ৰ বিষয়াসকলক প্রয়োজনীয় প্ৰশিক্ষণ প্ৰদান কৰা হৈছে । ইপিনে, ৰাজ্যখনৰ বান পৰিস্থিতি সামান্য উন্নত হৈছে যদিও যোৱা নিশাৰ ধাৰাষাৰ বৰষুণৰ পাছত শিৱসাগৰ নগৰৰ বিস্তীৰ্ণ পুনৰ জলমগ্ন হৈ পৰিছে। নগৰখনৰ বহু অঞ্চলত পানী ওলাই যাব নোৱাৰি কৃত্রিম জলাবদ্ধতাৰ সৃষ্টি কৰিছে...