শিলচৰৰ গুৰুচৰণ বিশ্ববিদ্যালয়ত আজি সাংবাদিক, সমাজকর্মী ৰবিজিৎ চৌধুৰীৰ সোঁৱৰণত এখন বক্তৃতানুষ্ঠান অনুষ্ঠিত হয়। ৰাষ্ট্ৰীয় শিক্ষা নীতিৰ তিনিটা ভাষা নীতি: পৰৱৰ্তী পদক্ষেপ শীর্ষক বিষয়বস্তুৰে অনুষ্ঠিত এই বক্তৃতা অনুষ্ঠানত শিক্ষামন্ত্রী ডা০ ৰণোজ পেণ্ড মুখ্য অতিথি হিচাপে উপস্থিত থাকে। বিশ্ববিদ্যালয়খনৰ উপাচার্য অধ্যাপক ড০ নিৰঞ্জন ৰায়ে এই বক্তৃতা অনুষ্ঠানৰ সভাপতিত্ব কৰে। অনুষ্ঠানৰ পাছত সাংবাদিকৰ সৈতে হোৱা কথা বতৰাত শিক্ষামন্ত্ৰীগৰাকীয়ে বৰ্তমান শিক্ষা ব্যৱস্থাত দুটা ভাষাৰ নীতিহে থকাৰ কথা উল্লেখ কৰে। বিভিন্ন ভাষা-ভাষীলোকে পৰিপূৰ্ণ দেশত ছাত্ৰ-ছাত্ৰীসকলৰ ওপৰত কোনো এটা ভাষা জাপি দিয়াৰ নীতি নাই বুলি ড০ পেগুৱে উল্লেখ কৰে।