ৰাষ্ট্ৰপতি শ্ৰীমতী দ্রৌপদী মুৰ্মুৱে আজি পশ্চিম বংগৰ নাদিয়া জিলাৰ কল্যাণীত অখিল ভাৰতীয় আয়ুর্বিজ্ঞান প্ৰতিষ্ঠানৰ প্ৰথম সমাৱৰ্তন সমাৰোহত অংশগ্ৰহণ কৰে। শ্ৰীমতী মুৰ্মুৱে তেওঁৰ ভাষণত কয় যে এই প্ৰতিষ্ঠানৰ পৰা স্নাতকোত্তৰ ডিগ্রী লাভ কৰা ছাত্ৰ-ছাত্ৰীসকলে সমাজৰ দৰিদ্ৰ শ্ৰেণীৰ লোকৰ স্বাস্থ্য সেৱাত নিয়োজিত হৈ এইমছ কল্যাণীক ৰাষ্ট্ৰীয় গৌৰৱহিচাপে গঢ়ি তোলা উচিত। চৈতন্য মহাপ্রভু, নীল দৰ্পণৰ লেখক দীনবন্ধু মিত্র, স্বাধীনতা যুঁজাৰু বাঘা যতিন, কল্যাণীৰ প্ৰতিষ্ঠাপক তথা প্রাক্তন মুখ্যমন্ত্রী ড০ বিধান চন্দ্ৰ ৰয়ৰ উদাহৰণ দাঙি ধৰি ৰাষ্ট্ৰপতিগৰাকীয়ে কয় যে কল্যাণীত বহু মহান প্রতিভাই জন্মগ্রহণ কৰিছে আৰু এইমছে এই পৰম্পৰাক আগবঢ়াই নিয়া উচিত। আজিৰ অনুষ্ঠানত পশ্চিম বংগৰ ৰাজ্যপাল ড০ চি ভি আনন্দ বসু, স্বাস্থ্য আৰু পৰিয়াল কল্যাণ দপ্তৰৰ ৰাজ্যমন্ত্ৰী প্ৰতাপ ৰাও যাদৱকে ধৰি কেইবাগৰাকী বিশিষ্ট ব্যক্তি উপস্থিত থাকে।