ৰাজ্য চৰকাৰৰ মহিলা আৰু শিশু বিকাশৰ বিভাগৰ অধীনত নগাঁও জিলাৰ সমাজ কল্যাণ বিভাগৰ উদ্যোগত আজি অংগনবাড়ী কর্মীসকলৰ সহায় হোৱাকৈ স্মার্ট ফোন বিতৰণ কৰা হয় ৷ নগাঁও চহৰৰ সাংস্কৃতিক প্রকল্পত এই উপলক্ষে আয়োজিত এটা অনুষ্ঠানত বটদ্ৰৱা সমষ্টিৰ বিধায়ক ৰূপক শর্মা উপস্থিত থাকে। শ্রীশৰ্মাই বিশেষভাৱে সক্ষম লোকসকলক হুইল চেয়াৰ আৰু শ্ৰৱণ যন্ত্ৰ প্ৰদান কৰে। অনুষ্ঠানত নগাঁও জিলা আয়ুক্তৰ লগতে সমাজ কল্যাণ বিভাগৰ বিষয়া-কৰ্মচাৰীসকল উপস্থিত থাকে।