গুৱাহাটী বিশ্ববিদ্যালয়ৰ স্নাতকোত্তৰ প্ৰথম ষান্মাসিকৰ ছাত্ৰ-ছাত্ৰীৰ বাবে আজি দীক্ষাৰম্ভ কাৰ্যসূচী অনুষ্ঠিত হয়। অনুষ্ঠানত বিশ্ববিদ্যালয়খনৰ উপাচাৰ্য অধ্যাপক ননী গোপাল মহন্তই ভাষণত ৰাষ্ট্ৰীয় শিক্ষা নীতিৰ আধাৰত শিক্ষাৰ বিৱৰ্তনৰ ওপৰত গুৰুত্ব আৰোপ কৰে। লগতে তেওঁ সমাজৰ উন্নতিৰ বাবে নৈতিকতা আৰু জ্ঞান গুৰুত্বৰ ওপৰতো আলোকপাত কৰে। আনহাতে অনুষ্ঠানটোত অসম ৰাজ্যিক জনসেৱাৰ অধিকাৰ আয়োগৰ মুখ্য আয়ুক্ত ড০ সূজয় লাল থাউচেনে অংশ লৈ ছাত্ৰ-ছাত্ৰীসকলে সন্মুখীন হোৱা প্ৰত্যাহ্বান আৰু ইয়াৰ উপায় সন্দৰ্ভত ভাষণ আগবঢ়ায়।