গুৱাহাটী চিকিৎসা মহাবিদ্যালয় হাস্পতালত ৰোগীৰ আত্মীয়ৰ পৰা ধন দাবী কৰা ঘটনা সন্দৰ্ভত ভঙাগড় আৰক্ষীয়ে আজি হাস্পতালখনৰ ১১ জন ঠিকাভিত্তিক কৰ্মচাৰীক গ্ৰেপ্তাৰ কৰিছে। হাস্পতালখনৰ কালি এটি নৱজাতকৰ মৃত্যুৰ ঘটনাৰ বুজ লবলৈ যোৱাৰ সময়ত যোৱা নিশা মুখ্যমন্ত্ৰী ড° হিমন্ত বিশ্ব শৰ্মাক একাংশ ৰোগীৰ আত্মীয়ই হাস্পতালৰ কৰ্মচাৰীয়ে ধন দাবী কৰা বুলি অভিযোগ দাখিল কৰিছিল। মুখ্যমন্ত্রীয়ে লগে লগে এই বিষয়টোৰ তদন্তৰ নিৰ্দেশ দিয়ে। এই অনুসৰি আজি ভঙাগড় আৰক্ষীয়ে অভিযান চলাই ১১ জন কৰ্মচাৰীক গ্ৰেপ্তাৰ কৰে ৷