শোণিতপুৰ জিলাৰ চতুৰ্থ মণ্ডলৰ অন্তৰ্গত ১৭ বছৰ অনুৰ্ধৰ চাহ জনজাতি আৰু আদিবাসী ফুটবল প্রতিযোগিতাত শোণিতপুৰ জিলা দলে বিশ্বনাথৰ দলক ৫-০ গলৰ ব্যৱধানত পৰাস্ত কৰি খিতাপ দখল কৰিছে। তিনিদিনীয়াকৈ অনুষ্ঠিত এই প্রতিযোগিতাখনত মণ্ডলটোৰ বিভিন্ন প্ৰান্তৰ উদীয়মান যুব ফুটবল খেলুৱৈৰ প্ৰতিনিধিত্বৰে শোণিতপুৰকে ধৰি ১০ টা দলে অংশগ্রহণ কৰিছিল। ফুটবল প্রতিযোগিতা খনৰ আজি সামৰণি অনুষ্ঠানত বৰছলা বিধান সভা সমষ্টিৰ বিধায়ক গণেশ লিম্বুয়ে মুখ্য অতিথি হিচাপে অংশগ্রহণ কৰি বিজয়ী দলটোক বঁটা প্ৰদান কৰে।