বিজেপিৰ জ্যেষ্ঠ নেত্রী তথা কেন্দ্ৰীয় বিত্ত মন্ত্ৰী নির্মলা সীতাৰমণে আজি ৰাজহুৱা খণ্ডৰ কোম্পানীসমূহক খণ্ড বিখণ্ড কৰা বুলি কংগ্ৰেছ নেতা ৰাহুল গান্ধীয়ে কৰা অভিযোগ খণ্ডন কৰে। শ্ৰীগান্ধীয়ে উত্থাপন কৰা অভিযোগৰ উত্তৰ দি শ্ৰীমতী সীতাৰমণে আজি সামাজিক মাধ্যমযোগে আজি কয় যে, নৰেন্দ্ৰ মোদী চৰকাৰৰ অধীনত ৰাজহুৱা খণ্ডৰ কোম্পানীসমূহে সমৃদ্ধি লাভ কৰিছে। তেওঁ লগতে কংগ্ৰেছ নেতৃত্বাধীন ইউ পি এ চৰকাৰৰ অধীনত ৰাজহুৱা খণ্ডৰ কোম্পানীসমূহৰ ক্ষতি হোৱা বুলি অভিযোগ তোলে। তেওঁ কয় যে বর্তমান চৰকাৰে মূলধনী বিনিয়োগৰ ওপৰত গুৰুত্ব আৰোপ কৰাৰ বাবে ষ্টক বজাৰত কোম্পানীসমূহৰ প্ৰদৰ্শন উন্নত হৈছে। চৰকাৰে ৰেলৱে, পথ, শক্তি, ধাতু, নিৰ্মাণ, আৰু গধুৰ আহিলাপাতি নিৰ্মাণৰ ওপৰত গুৰুত্ব আৰোপ কৰাৰ বাবে ৰাজহুৱা খণ্ডৰ কোম্পানীসমূহ প্ৰত্যক্ষভাৱে উপকৃত হৈছে বুলি মন্ত্ৰীগৰাকীয়ে উল্লেখ কৰে।