নতুন দিল্লীত কালি এন চি পিৰ এটা প্ৰতিনিধি দলে নিৰ্বাচন আয়োগৰ সৈতে মত বিনিময় কৰে। মুখ্য নিৰ্বাচন আয়ুক্ত জ্ঞানেশ কুমাৰ তথা নিৰ্বাচন আয়ুক্তদ্বয় ড^০ সুখবীৰ সিং সান্ধু আৰু ড^০ বিবেক যোশীয়ে এন চি পিৰ ৰাষ্ট্ৰীয় সাধাৰণ সম্পাদক ব্ৰীজমোহন শ্ৰীবাস্তৱৰ নেতৃত্বত যোৱা প্ৰতিনিধি দলটোৰ সৈতে মত-বিনিময় কৰে। উল্লেখযোগ্য যে, বিভিন্ন ৰাষ্ট্ৰীয় আৰু ৰাজ্যিক ৰাজনৈতিক দলৰ সভাপতিসকলৰ সৈতে নিৰ্বাচন আয়োগৰ মত-বিনিময় কাৰ্যসূচীৰ অংশ হিচাপেই এই বৈঠক অনুষ্ঠিত হয়। বিগত ১৫০ দিনত মুঠ ৪ হাজাৰ ৭১৯ খন সৰ্বদলীয় বৈঠক অনুষ্ঠিত হয়, য’ত ৪০ খন বৈঠক মুখ্য নিৰ্বাচনী বিষয়াৰ দ্বাৰা, ৮০০ খন জিলা নিৰ্বাচনী বিষয়াৰ দ্বাৰা আৰু ৩ হাজাৰ ৮৭৯ খন বৈঠক নিৰ্বাচন পঞ্জীয়ন বিষয়াৰ দ্বাৰা অনুষ্ঠিত কৰা হয়। এই বৈঠকসমূহত বিভিন্ন ৰাজনৈতিক দলৰ ২৮ হাজাৰতকৈও অধিক প্ৰতিনিধিয়ে অংশগ্ৰহণ কৰে।