কয়লা মন্ত্ৰালয়ৰ উদ্যোগত কালি নতুন দিল্লীত কয়লাৰ সৈতে জড়িত ৰাজহুৱা খণ্ডৰ উদ্যোগ তথা কোম্পানীসমূহৰ সামাজিক দায়বদ্ধতা কাৰ্যকলাপৰ পৰ্যালোচনা বৈঠক অনুষ্ঠিত হয়। বৈঠকত ৰূপায়ণ হৈ থকা চি এছ আৰ পদক্ষেপসমূহৰ অগ্ৰগতিৰ মূল্যায়ন, জনসাধাৰণৰ ওপৰত এইসমূহৰ প্ৰভাৱৰ মূল্যায়ন আৰু চৰকাৰৰ নিৰ্দেশনাৰ সৈতে এইসমূহৰ সামঞ্জস্য বৰ্তাই ৰখাত গুৰুত্ব আৰোপ কৰা হয়। স্বাস্থ্যসেৱা, শিক্ষা, পৰিৱেশ, দক্ষতা বিকাশ আৰু জীৱিকাৰ দৰে বিভিন্ন খণ্ডত ৰূপায়ণ হৈ থকা প্ৰকল্পসমূহক লৈ বৈঠকত আলোচনা কৰা হয়। বৈঠকত মন্ত্ৰালয়ে ফলাফল নিশ্চিত কৰাৰ বাবে প্ৰকল্পসমূহ যথাসম্ভৱ শীঘ্ৰে ৰূপায়ণ কৰাৰ প্ৰয়োজনত গুৰুত্ব আৰোপ কৰে। মন্ত্ৰালয়ে কয়লা খনন কৰা অঞ্চলসমূহৰ স্থানীয় জনগোষ্ঠীসমূহৰ জীৱনৰ সামগ্রিক মান উন্নত কৰাত গুৰুত্ব দি আগবাঢ়ি যোৱাৰ প্ৰয়োজনৰ বিষয়ে বৈঠকত উল্লেখ কৰে। মন্ত্ৰালয়ৰ অতিৰিক্ত সচিব ৰূপিন্দৰ ব্ৰাৰে বৈঠকত সভাপতিত্ব কৰে।