ৰাষ্ট্ৰপতি শ্রীমতী দ্রৌপদী মুর্মুৱে ভাৰত আৰু মেছিড নিয়াৰ মাজৰ অৰ্থনৈতিক সম্পৰ্ক সম্প্ৰসাৰণ কৰিবলৈ আহ্বান জনাইছে। শ্রীমতী মুর্মুৱে লগতে উভয় দেশৰ ব্যৱসায়ীসকলক ব্যৱসায়ৰ উৰ্ধলৈ গৈ বিনিয়োগ, প্রযুক্তি আৰু উদ্ভাৱন আধাৰিত দুয়ো দেশৰ মাজৰ দীর্ঘকালিন সহযোগিতা সুদৃঢ় কৰিবলৈ কৈছে।
স্কোপজেত ভাৰত উত্তৰ মেছিডানিয়া ব্যৱসায়িক মঞ্চত ভাষণ দি শ্রীমতী মুর্মুৱে কয়, যে ভাৰতীয় ৰাষ্ট্ৰপতিৰ এই প্ৰথম ভ্রমণে দেশখনৰ সৈতে সম্পৰ্ক সুদৃঢ় কৰাৰ প্ৰতি ভাৰতৰ প্ৰতিশ্রুতিবদ্ধতাৰ কথাকে সূচায়। তেওঁ কয়, যে দুয়োখন দেশৰ মাজৰ বৰ্তমানৰ বাণিজ্যৰ পৰিমাণ সম্ভাৱনাৰ তুলনাত তেনে কম।
তেওঁ লগতে চলিত দশকৰ শেষ ভাগলৈ দুয়ো দেশৰ মাজৰ দ্বিপাক্ষিক বাণিজ্যৰ পৰিমাণ দুগুণলৈ বৃদ্ধি কৰিব পৰা যাব বুলি আস্থা প্রকাশ কৰে।
ডিজিটেল উদ্ভাৱন আৰু কৃত্রিম বুদ্ধিমত্তা, ভেষজ আৰু স্বাস্থ্য সেৱা, কৃষি প্ৰসংস্কৰণ আৰু সেউজ শক্তিকে ধৰি সহযোগিতাৰ থল থকা কেইটামান ঘাই ঘাই ক্ষেত্ৰৰ বিষয় উল্লেখ কৰি শ্ৰীমতী মুর্মুৱে মেছিডনিয়াক ডিজিটেল ৰাজহুৱা আন্তঃগাঁথনি খণ্ডত ভাৰতৰ সৈতে সহযোগিতা কৰিবলৈ আহ্বান জনায়।
