২০২৭ চনৰ পুৰুষৰ বিশ্বকাপ ক্রিকেট প্রতিযোগিতাত ভাৰতে ৭ অক্টোবৰত কেপটাউনত অস্ট্রেলিয়াৰ বিৰুদ্ধে হ’বলগীয়া খেলেৰে অভিযান আৰম্ভ কৰিব। প্ৰতিযোগিতাৰ গ্ৰুপ এত স্থান লাভ কৰা ভাৰত ১০ অক্টোবৰত জোহান্সবার্গত পাকিস্তানৰ বিৰুদ্ধে অবতীর্ণ হ’ব।
প্রথম খেল দুখনৰ পাছত ভাৰত ১৪ অক্টোবৰত চেঞ্চুৰিয়ানত আফগানিস্তানৰ সন্মুখীন হ’ব আৰু ১৭ অক্টোবৰত নিজৰ গ্ৰুপ পৰ্যায়ৰ চতুৰ্থখন খেলত যোগ্যতা নিৰূপণকাৰী খেলৰ জৰিয়তে স্থান লাভ কৰা কোৱালিফায়াৰ এৰ বিৰুদ্ধে অৱতীৰ্ণ হ’ব।
ইয়াৰ পাছত ২৪ অক্টোবৰত ভিক্টোৰিয়া ফদ্ভূত সহ-আয়োজক জিম্বাব’ৱেৰ বিৰুদ্ধে হ’বলগীয়া খেলেৰে ভাৰতে গ্রুপ পৰ্যায়ৰ অভিযান সামৰিব। প্রতিযোগিতাত গ্রুপ বিত সহ-আয়োজক দক্ষিণ আফ্রিকা, ইংলেণ্ড, নিউজিলেণ্ড, শ্রীলংকা, বাংলাদেশ আৰু যোগ্যতা নিৰূপণকাৰী খেলৰ জৰিয়তে স্থান লাভ কৰা কোৱালিফায়াৰ বি দলক অন্তর্ভুক্ত কৰা হৈছে।
উইণ্ডহ’কত ২ অক্টোবৰত হ’বলগীয়া প্ৰাক্ প্রতিযোগিতাত ছুপাৰ চিৰিজ কোৱালিফায়াৰ পৰ্যায়ৰে এই প্ৰতিযোগিতা আনুষ্ঠানিকভাৱে আৰম্ভ হ’ব।
এদিনীয়া বিশ্বকাপৰ প্ৰথমখন ছেমি ফাইনেল ১৭ নৱেম্বৰত কেপ্তাউনত আৰু দ্বিতীয়খন ছেমি ফাইনেল চেঙ্গুৰিয়নত ১৮ নবেম্বৰত অনুষ্ঠিত হ’ব। জোহান্সবার্গত ২১ নৱেম্বৰত ফাইনেল খেলখন অনুষ্ঠিত হ’ব।
