কেন্দ্ৰীয় চৰকাৰে ২০২৫-২৬ বিপণন বৰ্ষত কেঁচা মৰাপাটৰ ন্যূনতম সমৰ্থন মূল্য বৃদ্ধিৰ সিদ্ধান্ত লৈছে। আজি নতুন দিল্লীত সাংবাদিকৰে সৈতে হোৱা কথা বতৰাত কেন্দ্ৰীয় বাণিজ্য আৰু উদ্যোগ মন্ত্ৰী পীযুষ গোৱেলে কেন্দ্ৰীয় মন্ত্ৰীসভাৰ এই সিদ্ধান্তৰ কথা সদৰি কৰে। তেওঁ কয় যে প্ৰতি কুইণ্টল কেঁচা মৰাপাটত ৫ হাজাৰ ৬৫০ টকা ন্যূনতম সমর্থন মূল্য বৃদ্ধি কৰা হ’ব। ২০২৪-২৫ বৰ্ষতকৈ এই মূল্য ৩১৫ টকা বেছি। চৰকাৰৰ এই পদক্ষেপে মৰাপাট উদ্যোগ নিৰ্ভৰ ৪০ লাখ খেতিয়কক প্ৰত্যক্ষ আৰু পৰোক্ষভাৱে সহায় কৰিব।মন্ত্ৰী শ্ৰীগোৱেলে আৰু কয যে কেন্দ্ৰীয় মন্ত্রীসভাই ৰাষ্ট্ৰীয় স্বাস্থ্য অভিযানৰ অধীনত লাভ কৰা প্ৰগতি সন্দৰ্ভতো পৰ্যালোচনা কৰে। তেওঁ কয় যে পূৰ্বৰ সিদ্ধান্ত মৰ্মে মন্ত্রীসভাই পৰৱৰ্ত্তী দুবছৰলৈ ৰাষ্ট্ৰীয় স্বাস্থ্য অভিযানৰ কাৰ্যসূচী ৰূপায়ণৰ সময়সীমা বৃদ্ধি কৰিছে।