ৰাষ্ট্ৰীয় পৰীক্ষণ সংস্থাই ২০২৪ বৰ্ষৰ জুনত হবলগীয়া বিশ্ববিদ্যালয় অনুদান আয়োগৰ ৰাষ্ট্ৰীয় যোগ্যতা নিৰূপণকাৰী পৰীক্ষা ইউ জি চি নেটৰ বাবে পঞ্জীয়নৰ প্ৰক্ৰিয়া আৰম্ভ কৰিছে। পঞ্জীয়নৰ প্ৰক্ৰিয়া ১০ মে’লৈকে অব্যাহত থাকিব আৰু অনলাইনযোগে পৰীক্ষা মাছুল জমা কৰাৰ বাবে ১২ মে’ অন্তিম দিন ধাৰ্য্য কৰা হৈছে। নেট পৰীক্ষাত উত্তীৰ্ণ হ’লে জুনিয়ৰ ৰিচাৰ্ছ ফেল’শ্বিপ প্ৰদান কৰা হয় আৰু এনে শিক্ষাৰ্থীসকলে সহকাৰী অধ্যাপক পদত নিযুক্তিৰ বাবে যোগ্যতা লাভ কৰে। এই পৰীক্ষাৰ ভিত্তিত ৮৩ টা বিষয়ৰ পি এইচ ডি পাঠ্যক্ৰমত নামভৰ্তি কৰা হয় ৷