অহা ১৫ নৱেম্বৰত ধৰতী আবা বীছা মুণ্ডাৰ জয়ন্তী উপলক্ষে ৰাজ্যৰ প্ৰতিখন জিলাত জনজাতীয় গৌৰৱ দিৱসৰ আয়োজন কৰা সন্দৰ্ভত আজি শিক্ষা তথা ভৈয়াম জনজাতি কল্যাণ মন্ত্ৰী ডাঃ ৰণোজ পেগুৱে জিলা আয়ুক্ত আৰু স্বায়ত্ত শাসিত পৰিষদৰ বিষয়ববীয়াৰ সৈতে আলোচনা কৰে। ভিডিঅ’ কনফাৰেন্সিংযোগে অনুষ্ঠিত এই বৈঠকত মন্ত্ৰীগৰাকীয়ে প্ৰতিখন জিলাতে জিলা প্রশাসন, স্বায়ত্ত শাসিত পৰিষদ, আই টি ডি পি বোর্ড, মহকুমা জনজাতি কল্যাণ বোর্ড আৰু জনজাতীয় ৰাইজৰ সহযোগত এই দিৱস উদযাপনৰ পৰামৰ্শ দিয়ে। ইয়াৰ লগতে জনজাতীয় স্বাধীনতা সংগ্ৰামীসকলক জনজাতীয় গৌৰৱ বৰ্ষ উপলক্ষে সন্মান জনাবলৈ কাৰ্যসূচী লোৱাৰ বাবে মন্ত্ৰীগৰাকীয়ে পৰামৰ্শ দিয়ে।