কেন্দ্ৰীয় কৃষি আৰু কৃষক কল্যাণ মন্ত্রী শিৱৰাজ সিং চৌহানে আজি হাৰিয়ানাৰ কালত খেত বাচাও অভিযান-ৰবি ২০২৬ মুকলি কৰিব। এই অভিযান অহা ৩০ নৱেম্বৰলৈকে অব্যাহত থাকিব। বহনক্ষম কৃষি, মাটিৰ স্বাস্থ্য বৃদ্ধি আৰু কৃষিৰ সমলসমূহ যথোপযুক্ত ব্যৱহাৰ কৰাটোৱে এই অভিযানৰ মূল লক্ষ্য। মাটিৰ গুণাগুণ পৰীক্ষাৰ জৰিয়তে সাৰৰ উচিত ব্যৱহাৰ আৰু ভাৰসাম্য ৰক্ষাৰ উদ্দেশ্যে খেতিয়কসকলৰ মাজত সজাগতা বৃদ্ধি কৰাটো এই অভিযানৰ অন্যতম লক্ষ্য। এই অভিযানৰ দ্বাৰা তৈল বীজ, মাহজাতীয় শস্য আৰু উদ্যান শস্যৰ জৰিয়তে শস্যৰ বিবিধতাত গুৰুত্ব দিবলৈ প্ৰয়াস কৰা হৈছে। কৃষকসকলক প্রশিক্ষণ দিয়াৰ লগতে জৈৱিক আৰু জৈৱভিত্তিক কৃষিজাত সামগ্ৰীৰ উৎপাদন আৰু প্ৰাকৃতিক কৃষি পদ্ধতিক উৎসাহিত কৰাৰ বাবে জনসাধাৰণৰ মাজত সচেতনতা সৃষ্টি আৰু প্ৰশিক্ষণ প্ৰদান কাৰ্যসূচীও এই অভিযানত সামৰি লোৱা হৈছে। ৰাজ্যিক, জিলা, ব্লক আৰু গাঁও পঞ্চায়ত পৰ্যায়ত কৃষক সন্মিলন, কৃষি সম্বন্ধীয় মুকলি আলোচনা, প্ৰশিক্ষণ আৰু কৃষি সম্বন্ধীয় ক্ষেত্রভিত্তিক অভিজ্ঞতা এই অভিযানত সামৰি লোৱা হ’ব।