মাজুলী জিলা আয়ুক্তৰ কাৰ্যালয়ত কালি জিলা পথ সুৰক্ষা সমিতিৰ এখন বৈঠক অনুষ্ঠিত হয়। জিলা আয়ুক্ত সৃষ্টি সিংহৰ সভাপতিত্বত অনুষ্ঠিত এই বৈঠকত জিলাখনৰ সামগ্রিক পথ সুৰক্ষা ব্যৱস্থা আৰু শেহতীয়া চৰকাৰী নির্দেশনাসমূহৰ ৰূপায়ণ সন্দৰ্ভত বিতংভাবে পর্যালোচনা কৰা হয়। জিলা আয়ুক্তগৰাকীয়ে পথ সুৰক্ষাৰ নিয়মসমূহ কঠোৰভাৱে পালন কৰিবলৈ আৰু জনসাধাৰণৰ মাজত সজাগতা বৃদ্ধি কৰিবলৈ সকলো বিভাগকে একত্রিতভাবে কাম কৰাৰ নিৰ্দেশ দিয়ে। যান-বাহনৰ নিয়ম উলংঘাকাৰী চালকৰ বিৰুদ্ধে পৰিবহণ আৰু আৰক্ষী বিভাগক কঠোৰ ব্যৱস্থা গ্রহণ কৰিবলৈ নির্দেশ দিয়া হৈছে। এই বৈঠকত অতিৰিক্ত জিলা আয়ুক্ত ভাস্কৰজ্যোতি বৰা, সহকাৰী আয়ুক্ত তথা সংশ্লিষ্ট বিভাগৰ বিষয়াসকল উপস্থিত থাকে।