প্ৰতিৰক্ষা মন্ত্ৰী ৰাজনাথ সিঙে আজি মধ্য প্ৰদেশৰ খাণ্ডৱা আৰু ৱাৰবাণীত দুখন নিৰ্বাচনী প্ৰচাৰ সভাত অংশ লয়। তেঁও কয় যে পৃথককৈ বিধানসভা আৰু লোকসভাৰ নিৰ্বাচন অনুষ্ঠিত কৰাটো এতিয়া বন্ধ কৰা উচিত ৷ তেওঁ প্ৰতি ৫ বছৰৰ ব্যৱধানত দুয়োটা নির্বাচন সমান্তৰালভাৱে অনুষ্ঠিত কৰা উচিত। এইয়া বিজেপিৰ সংকল্প বুলি তেওঁ অৱগত কৰে। শ্ৰীসিঙে লোকসভা আৰু বিধানসভা নিৰ্বাচন সমান্তৰালকৈ কৰা হ’ব বুলি আশ্বাস দি কয় যে, ইয়াৰ বাবে প্ৰয়োজনীয় সংশোধন বিজেপি চৰকাৰে কৰিব। তেওঁ বিজেপি নেতৃত্বাধীন চৰকাৰে তিনি তালাক আৰু জম্মু কাশ্মীৰৰ পৰা সংবিধানৰ ৩৭০ নম্বৰ অনুচ্ছেদ বাতিল কৰা বুলি প্ৰকাশ কৰে। কংগ্ৰেছক সমালোচনা কৰি শ্রীসিঙে কয় যে, যিদৰে সমগ্ৰ বিশ্বৰ পৰা ডাইনছ’ৰ বিলুপ্ত হৈছিল, ঠিক তেনেকৈ কংগ্ৰেছো বিলুপ্ত হ’ব।