দৰং জিলাৰ মঙলদৈ টাউন ক্লাবৰ দুদিনীয়া শতবৰ্ষ সামৰণি অনুষ্ঠানৰ আজি দ্বিতীয় দিনা বিভিন্ন কাৰ্যসূচী ৰূপায়ণ কৰা হয়। কাৰ্যসূচীৰ অংশ হিচাপে আজি পুৱা অসমভিত্তিক চাইকেল চালনা প্রতিযোগিতাৰ আয়োজন কৰা হয়। প্রতিযোগিতাত গুৱাহাটীৰ সুমন জ্যোতি দাসে প্রথম স্থান দখল কৰে। ৰাজ্যিক ভলীবল খেলুৱৈ গোবিন্দ বাগলাৰীয়ে এই প্ৰতিযোগিতা মুকলি কৰে। প্ৰতিযোগিতাত মুঠ ৪৭ গৰাকী খেলুৱৈয়ে যোগদান কৰে। ইয়াৰ পূৰ্বে কালি অনুষ্ঠিত সদৌ অসম ভিত্তিক প্রাইজমানি মাৰাথন প্রতিযোগিতাত গোলাঘাটৰ টিখেশ্বৰ কুৰ্মীয়ে প্ৰথম স্থান দখল কৰে।