ছুইজাৰলেণ্ড, স্পেইন আৰু পর্তুগালে বিশ্বকাপ ফুটবল প্রতিযোগিতাত প্রি-কোৱাৰ্টাৰ ফাইনেলত প্ৰৱেশ কৰিছে। ছুইজাৰলেণ্ডে আজি পুৱা চাৰে ৮ বজাত কানাডাত অনুষ্ঠিত নকআউট পর্যায়ৰ এখন খেলত আলজেৰিয়াক ২-০ গ’লত পৰাজিত কৰি প্ৰি-কোৱাৰ্টাৰ ফাইনেলত প্রবেশ কৰে। এম্বলোৱে খেলখনৰ ১০ মিনিটত গ’ল দি ছুইজাৰলেণ্ডক অগ্রগতি প্রদান কৰে। খেলখনৰ দ্বিতীয়ার্ধৰ ১ মিনিট পাছত নূদৰে দ্বিতীয়টো গ’ল দি দলক শক্তিশালী স্থিতিত উপনীত কৰে। মঙলবাৰে হ’বলগীয়া প্রি-কোৱাৰ্টাৰ ফাইনেলত ঘানাৰ বিৰুদ্ধে অৱতীৰ্ণ হ’ব।
একেদৰে, পর্তুগালে আজি পুৱা অনুষ্ঠিত নক আউট পৰ্যায়ৰ আন এখন খেলত ক্র’ৱেছিয়াক ২-১ গ’লত পৰাভূত কৰি প্ৰি-কোৱাৰ্টাৰ ফাইনেলত স্থান নিশ্চিত কৰে। মঙলবাৰে ডালাছত হ’বলগীয়া প্রি কোৱাৰ্টাৰ ফাইনেলত দলটো স্পেইনৰ সন্মুখীন হ’ব।
ইপিনে, স্পেইনে যোৱানিশা কেলিফর্ণিয়াত অনুষ্ঠিত নক আউট পর্যায়ৰ এখন খেলত অষ্ট্রিয়াক ৩-০ গ’লত পৰাভূত কৰি প্ৰি-কোৱাৰ্টাৰ ফাইনেলত স্থান নিশ্চিত কৰে। স্পেইনৰ হৈ মিকেল আয়াৰজাৱালে ৩৬ মিনিটত গল দি দলক ১-০ৰ অগ্রগতি প্রদান কৰে। ইয়াৰ পাছত পেদ্র’ পোৰোই ৬৬ মিনিটত দ্বিতীয়টো গ’ল দি দলৰ স্থিতি সুদৃঢ় কৰে। আয়াৰজাবালে ৮৯ মিনিটত আৰু এটা গ’ল দি দলৰ জয় নিশ্চিত কৰে।
