পৱিত্ৰ অমৰনাথ গুহা দৰ্শনৰ বাবে তীর্থযাত্ৰীৰ প্ৰথমটো দল জম্মুৰ ভগৱতী নগৰৰ মূল শিবিৰত উপস্থিত হৈছে। দলটোৱে কাইলৈ এই বার্ষিক যাত্ৰাৰ আৰম্ভণি কৰিব। আমাৰ আকাশবাণী জম্মুৰ সংবাদদাতাই জনোৱা অনুসৰি তীৰ্থযাত্ৰীসকলৰ থকা খোৱা, সুৰক্ষাকে ধৰি সকলো ধৰণৰ যাৱতীয় প্রস্তুতি ইতিমধ্যে সম্পন্ন কৰা হৈছে। শ্রীঅমৰনাথ দেৱালয় পৰিষদৰ অধ্যক্ষ জম্মু আৰু কাশ্মীৰৰ উপ ৰাজ্যপাল মনোজ সিনহাই কাইলৈ পুৱা চাৰি বজাতে তীর্থযাত্ৰীৰ প্ৰথমটো দলৰ যাত্ৰাৰ শুভাৰম্ভ কৰিব।