কেন্দ্ৰীয় চৰকাৰৰ কৃষি আৰু কৃষক কল্যাণ মন্ত্ৰ্যালয়ৰ অধীনত প্রধানমন্ত্ৰী ফচল বীমা যোজনাৰ ২০২৫ বৰ্ষৰ পঞ্জীকৰণৰ বাবে অহা ১৫ ফেব্ৰুৱাৰীৰ দিনটো অন্তিম দিন হিচাপে ধাৰ্য কৰা হৈছে। এই যোজনাৰ অধীনত বতৰৰ অনিশ্চয়তাৰ সৈতে জড়িত ক্ষতিৰ শংকা কম কৰি পৰিশ্ৰমী কৃষক ভাই-ভনীৰ আৰ্থিক হিত ৰক্ষা কৰাত গুৰুত্ব প্ৰদান কৰা হৈছে। এতিয়ালৈকে এই আঁচনিৰ জৰিয়তে ১৯ কোটি ৬৭ লাখ কৃষক উপকৃত হোৱাৰ লগতে ৭০ কোটিৰো অধিক কৃষকৰ আবেদন লাভ কৰা হৈছে। আঁচনিৰ সবিশেষ জানিবলৈ ১৪৪৪৭ এই হেল্পলাইন নম্বৰ মুকলি কৰি দিয়া হৈছে।