কেন্দ্রীয় গৃহমন্ত্রী অমিত শ্বাহে প্রধানমন্ত্ৰী নৰেন্দ্ৰ মোদী চৰকাৰৰ যোৱা ১২ বছৰক উন্নয়ন আৰু ঐতিহ্যৰ সংগমৰ সোণালী যুগ হিচাপে আখ্যা দিছে। কেন্দ্ৰীয় মন্ত্ৰীগৰাকীয়ে আজি সামাজিক মাধ্যমযোগে কয়, যে যোৱা ১২ বছৰত শ্ৰী ৰাম জন্মভূমি মন্দিৰ, কাশী-বিশ্বনাথ কৰিড’ৰ আৰু উজ্জ্বয়িন মহাকাল লোকৰ নিৰ্মাণ সম্পূৰ্ণ হৈছে আৰু বিশ্বমানৰ যোগাযোগ, আন্তঃগাঁথনি প্রকল্প তথা মেক ইন ইণ্ডিয়াৰ দৰে উদ্যমসমূহে দেশৰ উন্নয়ন যাত্ৰাত গতি প্ৰদান কৰিছে।
তেওঁ লগতে কয়, যে এই সময়ছোৱাত ১ কোটি নথিৰ ডিজিটেল ৰূপ প্ৰদান কৰা হৈছে আৰু ৬৬৮ টা প্রাচীন কলাকৃতি স্বদেশলৈ ঘূৰাই অনা হৈছে। এই সময়ছোৱাত ১১ টা জনজাতীয় সংগ্রহালয় স্থাপন কৰা হৈছে আৰু ১১ টা ভাৰতীয় ভাষালৈ ধ্রুপদী ভাষাৰ মৰ্যাদা প্ৰদান কৰা হৈছে বুলি মন্ত্ৰীগৰাকীয়ে উল্লেখ কৰে।
মন্ত্ৰীগৰাকীয়ে এনে কাৰ্যৰ দ্বাৰা উন্নয়ন আৰু ঐতিহ্য যে পৰস্পৰৰ পৰিপূৰক সেয়া স্পষ্ট হৈ পৰা বুলি প্ৰকাশ কৰে।
